राष्ट्रीय कृषि बीमा योजना म धान (सिंचित) फसल तको सामिल

अंजोर
0
अंजोर.रायपुर। राज सरकार ह चालू खरीफ मौसम बर लागू राष्ट्रीय कृषि बीमा योजना म धान(सिंचित) फसल ल तको सामिल करे हाबे। कृषि विभाग ले अधिसूचना के मुताबिक राज के 25 जिला के 106 तहसील के 182 राजस्व निरीक्षक मंडल के धान सिंचित फसल ल बीमा योजना के दायरा म राखे हाबे। 
जानबा होवय के पाछू अधिसूचना म सात फसल धान असिंचित, मक्का, सोयाबीन, मंूगफली, तुअर (अरहर), उड़द अउ मंूग ल बीमा योजना के दायरा म राखे रिहिन। सातों फसल के बीमा खातिर पटवारी हल्का ल बीमा इकाई बनाय गे रिहिसे। ये पइत आठ फसल सामिल होय हाबे राष्ट्रीय कृषि बीमा योजना म। 
नवा अधिसूचना म धान (सिंचित) फसल के बीमा खातिर राजस्व निरीक्षक मंडल ल इकाई बनाये गे हावय। ये योजना म एक अप्रैल 2015 से 30 सितम्बर 2015 तक धान (सिंचित) फसल खातिर ले करजा ल खरीफ 2015 मौसम के दायरा म राखे गे हावय। धान (सिंचित) फसल बर अधिसूचित क्षेत्र म कम से कम 10 प्रतिशत फसल कटाई प्रयोग आयोजित करना अनिवार्य होही। राज सासन डहर ले उपज के आंकड़ा पठोय के आखरी तिथि धान (सिंचित) फसल बर 31 जनवरी 2016 निर्धारित करे हावय। 
राष्ट्रीय कृषि बीमा योजना के तहत छत्तीसगढ़ राज रायपुर जिला के रायपुर, आरंग, अभनपुर, तिल्दा, बलौदाबाजार-भाटापारा जिला के बलौदाबाजार, बिलाईगढ़, कसडोल, सिमगा, भाटापारा अउ पलारी तहसील, गरियाबंद जिला के छुरा, मैनपुर, देवभोग, गरियाबंद अउ फिंगेश्वर-राजिम तहसील, महासमुंद जिला के महासमुंद, बागबाहरा, पिथौरा, बसना, सरायपाली तहसील, धमतरी जिला के धमतरी, नगरी, कुरूद अउ मगरलोड तहसील, दुर्ग जिला के दुर्ग, पाटन अउ धमधा, बालोद जिला के बालोद डौण्डी, डौण्डीलोहारा, गुरूर, गंडरदेही तहसील, बेमेतरा जिला के बेमेतरा, नवागढ़, बेरला, थानखम्हरिया, साजा तहसील, राजनांदगांव जिला के राजनांदगांव, छुरिया, डोंगरगांव, खैरागढ़, छुईखदान, डोंगरगढ़, मानपुर, मोहला, अंबागढ़ चौकी तहसील, कबीरधाम जिला के बोडला, कवर्धा, पंडरिया, सहसपुर लोहारा तहसील, बस्तर जिला के तोकापाल, बस्तर तहसील, कोण्डागांव जिला के बड़ेराजपुर तहसील, कांकेर जिला के कांकेर, चारामा, नरहरपुर, भानुप्रतापपुर, पखांजूर तहसील, सुकमा जिला के छिंदगढ़, सुकमा तहसील बीजापुर जिला के भोपालपट्टनम, उसूर तहसील, बिलासपुर जिला के मस्तूरी, तखतपुर, बिल्हा, पेण्ड्रारोड, पेण्ड्रा, मरवाही, बिलासपुर, कोटा तहसील, मुंगेली जिला के मुंगेली, पथरिया, लोरमी तहसील, जांजगीर-चाम्पा जिला के जांजगीर, चाम्पा, पामगढ़, सक्ति, डभरा, नवागढत्र, जैजेपुर, मालखरौदा, अकलतरा, बलौदा तहसील, कोरबा जिला के कोरबा, करतला, कटघोरा, पाली तहसील, सरगुजा जिला के अंबिकापुर, लखनपुर तहसील, सुरजपुर जिला के सूरजपुर, भैयाथान, प्रतापपुर तहसील, बलरामपुर जिला के राजपुर तहसील, कोरिया जिला के बैकुण्ठपुर तहसील, रायगढ़ जिला के धरमजयगढ़, खरसिया, रायगढ़, पुसौर, बरमकेला, सारंगढ़, घरघोड़ा, लैलूंगा तहसील, जशपुर जिला के कांसाबेल कुनकुरी, फरसाबहार, बगीचा तहसील के धान (सिंचित) फसल ल राष्ट्रीय कृषि बीमा योजना म सामिल करे गे हवय। 

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !