गांधी जी के जीवन ले जुरे फोटो परदरसनी दरबार हाल म
रायपुर। राष्ट्रपिता महात्मा गांधी जी के 150वीं जयंती के मउका म छत्तीसगढ़ के राजभवन म तीन दिन के ओपन हाउस रखे गे हावय जेन म लोगन मन गांधी बबा के जीवन ले जुरे फोटो परदरसनी ल देख सकत हावस। परदरसनी म गांधी बबा के स्वतंत्रता आंदोलन म योगदान, नमक आंदोलन, असहयोग आंदोलन, भारत छोड़ो आंदोलन के संगे-संग गांधी बबा के बच्छर 1933 म रायपुर आगमन, सप्रे शाला के मैदान म ले आम सभा, मोतीबाग अउ बिलासपुर, भाटापारा आगमन के फोटो तको लगाये गे हावय।
महात्मा गांधी डहर ले रायपुर निवासी सालिगराम ल आये पाती के परतिलिपि। सप्रे शाला मैदान, राजकुमार कॉलेज, बिलासपुर अउ बलौदाबाजार म दिये भासन के परतिलिपि अउ महात्मा गांधी के डाक टिकट संग्रह के अलावा 200 साहित्य प्रदर्शित करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।