येसो राज्योत्सव के जलसा सिरिफ राजधानी म तीन दिन के होही

राज्योत्सव 2018

रायपुर। छत्तीसगढ़ म विधानसभा चुनई होवइया हावय। जेकर तियारी घलोक सुरू होगे हावय, दू चरन म होही चुनई। इही बीच छत्तीसगढ़ राज स्थापना दिवस तको आवत हाबे जेन ल आचार सहिता के सेती प्रदेस अधिकारी मन ह तीन दिन म उरकाए के फइसला करे हावय। राज्योत्सव के जलसा ह सिरिफ राजधानी म होही, जिला मन म नई होवय। ये पइत राज अलंकरण समारोह तको नइ होवय।

 मंत्रालय म सचिव रेंक के अफसर मन के बइठका म यहू बात के फइसला होय हाबे के राज्योत्सव म मुख्य रूप ले खादी अउ ग्रामोद्योग, हस्तशिल्प, माटीकला, रेशम, कृषि उत्पाद के परदसनी, व्यापार मेला, फूड जोन, फन फेयर, बुक फेयर अउ मनोरंजन के कार्यक्रम तको आयोजित होही।