माननीय भूपेश बघेल जी मुख्यमंत्री छत्तीसगढ़

माननीय मुख्यमंत्री जी के नानुक परिचय-

जोहार मुखिया जी गाड़ा गाड़ा जोहार...

छत्तीसगढ़ के तिसरइया मुख्यमंत्री किसान के लइका माननीय श्री भूपेश बघेल जी ल अंतस ले बधाई। 

हमर मुख्यमंत्री श्री भूपेश बघेल जी के जनम 23 अगस्त 1961 के होय हाबे। उनकर पिता के नाव श्री नंदकुमार बघेल अउ माता के नाम श्रीमती बिंदेश्वरी बघेल हावय। उकर पत्नी के नाम श्रीमती मुक्तेश्वरी बघेल, दूनो ले 4 सन्तान हावय। श्री बघेल जी ह दुर्ग के पाटन के बड़का किसान परिवार के लइका आए। उन 17 दिसम्बर 2018 ले छत्तीसगढ़ के तीसरइया मुख्यमंत्री बनिस।

बघेल जी ह पहली बार सन 1993 विधायक बनिस तेकर पाछू सन 1998, सन 2003 अउ सन 2013 विधायक बनिस। बघेल जी तत्कालीन अविभाजित मध्यप्रदेश सरकार म 1998 जनशिकायत निवारण विभाग के स्वतंत्र प्रभार के राज्य मंत्री रिहिन अउ सन 1999 म परिवहन विभाग के मंत्री रिहिन हाबे। जब छत्तीसगढ़ अलग होइस तव ओमन श्री अजीत जोगी के सरकार म ओमन सन 2000 म राज के राजस्व, पुनर्वास, राहत कार्य अउ लोक स्वास्थ्य यांत्रिकी मंत्री के रूप म जनता के सेवा करिन।
नोट- फोटो गूगल से साभार।