सुराजी गांव योजना म गांव के नरवा, गरवा, घुरवा अउ बाड़ी के संवर्धन अउ विकास
अंजोर ए.। मुख्यमंत्री भूपेश बघेल जी ले ह भारतीय प्रशासनिक सेवा के प्रशिक्षु अधिकारी मन ले मुलाकात करिन। राज के मुखिया ह प्रशिक्षु अधिकारी मन ला सुराजी गांव योजना के थीम ल समझाइस अउ ओमन सबो अधिकारी मनले अपन-अपन जिला म ये योजना के एकक प्रोजेक्ट मॉडल बनाके बने काम करे के सीख दिस हावय। जनाबा होवय के भारतीय प्रशासनिक सेवा के 2018 बैच के अधिकारी मनके उन्मुखीकरण प्रशिक्षण छत्तीसगढ़ प्रशासन अकादमी म चलत हावय। मुख्यमंत्री ह भारतीय प्रशासनिक सेवा के प्रशिक्षु अधिकारी मनला नरवा, गरवा, घुरवा अउ बारी के विकास अउ संवर्धन म विस्तार ले जानकारी देवत हमेशा फील्ड विजिट करे बर तको समझाय हावय।
आगू मुख्यमंत्री ह किहिन के सुराजी गांव योजना ले गांव के अर्थव्यवस्था सुधरही। येकर ले खेती किसानी म सुधार होही, रोजगार के नवा-नवा अवसर बाढ़ही अउ संगे-संग पर्यावरण म तको सुधार होही। बारी ले गांवे म लोगन ल साग सब्जी मिलही दुध के उत्पादन होय ले कुपोषण के समस्या खतम होही अउ घुरूवा म जैविक खातु के दिन बहुरही।
नरवा के पुर्नजीवन बर नवा साईंटिफिक तरीका ले काम होना चाहि। ओमन आगू बताइन के इसरो डहर ले भूमि के सबो प्रकार के डाटा उपलब्ध हावय जेकर उपयोग करे जाए। नरवा पुर्नजीवन ले स्वाईल वाटर अउ सरफेस वाटर संग्रहण म मदद मिलही। नदिया म पानी जादा दिन तक रइही, बोरिंग नइ सूखावे। मुखिया जी ह प्रशिक्षु अधिकारी मनला सुराजी गांव योजना म गांव के नरवा, गरवा, घुरवा अउ बाड़ी के संवर्धन अउ विकास खातिर नरवा के पुर्नजीवन, गौठान के विकास, घुरवा के माध्यम ले जैविक खाद, गोबर गैस, चारागाह विकास अउ दुध उत्पादन आदि काम म अपन दूरदृष्टी सोच ल बताइन ये मउका म प्रभारी मुख्य सचिव, मुख्यमंत्री के प्रमुख सचिव, छत्तीसगढ़ प्रशासनिक अकादमी के डी.जी. के संग आलोक अवस्थी, अभिषेक शर्मा, अबिनाश मिश्रा, देवेश कुमार ध्रुव, संबित मिश्रा अउ उत्साह चौधरी जी मन तको पहुंचे रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।